• Facebook
• Twitter
• YouTube
• RSS

MK AL EN

Едукативно – интерактивна работилница „Фестивал на филмски сценарија СКРИПТ ФЕСТ 2012“- „Од сценарио до филм“

На 16.05.2022г. во големиот салон при Домот на културата „Кочо Рацин“ – Скопје се одржа едукативно – интерактивна работилница „Фестивал на филмски сценарија СКРИПТ ФЕСТ 2012“- „Од сценарио до филм“
Едукатори: проф.д-р Христо Петрески и проф.м-р Гоце Ристовски
Оваа едукативно – интерактивна работилница имаше за цел создавање квалитетни филмски сценарија, односно реализација на значајни филмски остварувања од млади автори. Исто така целта на оваа филмска манифестација беше да се создаде традиција и континуитет во негувањето, односно во афирмацијата и презентацијата на филмските сценаристи и нивните сценарија.
Беше распишан Конкурс за филмски сценарија.Преку Конкурсот беа опфатени сите граѓани независно од нивната возраст.Од ракописите за филмски сценарија беше забележана креативноста и иновативноста, односно специфичниот и оригиналниот авторски ракопис и придонес. Мора да се истакне дека оваа година со свои сценарија имаа конкурирано 18 млади автори.Од пристигнатите авторски ракописи беа издвоени како најдобри и тоа: прво место за најдобар авторски ракопис на Стефан Маркоски, второто место беше доделено на Анастас Ќушкоски и третото место се додели на Оливера Христовска. Поради големиот број пристигнати авторски ракописи беа доделени и четири признанија. Признанија беа доделени на авторите: Леонид Велковски, Андреј Ристиќ, Кирил Максимоски и Зоран Митровиќ.
Селектори на добиените ракописи беа проф.д-р Христо Петрески и проф.м-р. Гоце Ристовски. 

Вести и настани