• Facebook
• Twitter
• YouTube
• RSS

MK AL EN

„Каселата за сонот македонски“

На 16.10.2020 година преку апликацијата ZOOМ, a во организација на Домот на културата „Кочо Рацин“ од Скопје, се одржа промоција на поетската книга „Каселата за сонот македонски“ на поетесата Снежана Алексиќ Станојловиќ од Србија.  

Поетесата Станојловиќ не е нова на македонската книжевна сцена. Таа уште во 1980 година се појавува со двојазичната книга „Побарај ме/Потражи ме“. Таа е авторка и на книгите „Ода за Орфеј“, „Ораница“, „Тревки во тревата“, „Чекори“...
Книгата „Каселата за сонот македонски“ минатата година беше прогласена за најдобра книга од странски автор напишана на македонски јазик и беше објавена од страна на Битолскиот книжевен круг.
Онлајн промоцијата започна точно во 19.00 часот со претставување на биографијата на авторката од страна на водителот Филип Димкоски. Потоа со читање на предговорот од книгата авторката умешно не воведе во нејзиниот поетски свет и во книгата „Каселата за сонот македонски“ од која на свој начин во текот на промоцијата изрецитира неколку песни.
За книгата зборуваа рецензентите Весна Мундишевска Велјановска, Милица Радевска и Филип Димкоски.
Тие ја истакнаа важноста на оваа книга и дискутираа за поетиката од различни агли но посочија дека станува збор за високо квалитетно уметничко дело што е достоен претставник на македонската современа поезија.
Посебно внимание за вклучените следачи на промоцијата, предизвика настапот на музичарот Тимко Чичаковски кој отсвири народна песна на инструментот канон.
На крајот поетесата Снежана Алексиќ Станојловиќ изрази благодарност кон органзиаторот, кон учесниците и кон гледачите и ја поздрави публиката со уште неколку свои песни.
Иако на далечина, сепак поезијата и музиката успеаја да побудат емоции и да направат зближување, градејќи нови пријателства. Предност на ваквиот начин на промовирање е што истовремено можат да следат луѓе од различни држави, така што промоцијата ја следеа гледачи и од Македонија но и од Србија 

Вести и настани