• Facebook
• Twitter
• YouTube
• RSS

MK AL EN

10 години Поетски слем Македонија 2020

 ЈУ Дом на култура „Кочо Рацин“ – Скопје на 30.09.2021г. го реализира проектот
10 години Поетски слем Македонија 2020 ( Патувачка промоција и изведување слем - поезија во движење)
Промоцијата на „Поетски слем Македонија 2020“ – Зборникот на традиционалниот Национален натпревар на слем-поезија од Прилеп за 2020 година се одржи на неколку локации низ Општина Центар на Град Скопје на 30.септември 2020 година со почеток во 19 ч. и траеше час и половина.

Под покровителство на Град Скопје, во организација на Домот на културата „Кочо Рацин“ – Скопје, спроведен од „Театарска работилница“ – Прилеп и „Поетри слем Македонија“ и во режија на Игор Трпчески – Трпче, настанот беше осмислен како патувачка промоција и изведување слем-поезија во движење. Настанот почна пред Домот на културата „Кочо Рацин“ – Скопје каде го отворија предводничките и предводниците на поетри-слем тимот и претставници/претставнички на Домот.
На локацијата пред Домот на културата настапија неколку слемер(к)и: Елена Пренџова, Костадин Карев и Цветанка Колева. Потоа изведувач(к)ите заедно со присутната публика се упатија кон Плоштадот „Македонија“ каде, на нова локација покрај главната фонтана на Александар Македонски настапија уште неколкумина: Горазд Китановски – Кени, Марина Шокева и Ирена Јурчева. Таму се насобра поголема топла и сите заедно продолживме накај Камениот мост.
На мостот беше третата поетска станица. Таму настапија: Горазд Китановски – Кени, Перо Сарџоски, Костадин Карев, Марина Шокева и Цветанка Колева. Оттаму се упативме кон Старата чаршија.
Пред Старата чаршија, во близина на споменикот на Филип II се одржа последната и најдолгата поетска изведба. Таму настапија сите присутни слемер(к)и, а дополнително имаше и отворен микрофон на кој настапија волонтер(к)и од присутната публика, меѓу кои и туристки од Германија, кои многу го пофалија настанот. 

Вести и настани