• Facebook
• Twitter
• YouTube
• RSS

MK AL EN

Изложба на графики „Надворешниот свет како симболика на внатрешниот“

Почитувани. Од вечерва 30.11.2021 во новиот салон на ГАЛЕРИЈА „КО-РА“ во Ј.У.Дом на култура „Кочо Рацин“ Скопје, отворена е самостојната

изложба на Зоран Бошковски насловена „Надворешниот свет како симболика на внатрешниот“, на која се презентира со избор дела во повеќе графички техники :линорез, колографија, монотипија. Изложбата ја отвори историчарката на уметноста Виолета Калиќ, стручен соработник за визуелни уметности, дизајн и аргхитектура во Ј.У.Дом на култура „Кочо Рацин“ Скопје која е и автор на Освртот во каталогот кон оваа самостојна изложба на Зоран Бошковски . 

Во своето обраќање таа ја истакна силно впечатливата и сугестивната ликовна естетика и сувереното владеење на сите графички техники со која делата на Зоран Бошковски го одразуваат недвојбено сакралното, контемплативното, вдахновено од ризницата на духовноста, која ги втемелила сецивилизациските вредности... Тој сосздава со својата моќна поетика на драматизмот вткаен и во најсуптилната лиричност вид на интроспекција на предел во предел, простор во простор, време во време, растер во растер кои го спојуваат ехото на времињата одминати преточени во суштествените вредности на опстојувањето соочени често низ сите цивилизации, и со кошрани предизвици и страдања... Сакралното во неговата естетила повикува на нурнување во тие длабочини на духот од каде се црпи моќта за извишпување високо кон височините запазувајќи ги доблестите во овие десакрализирани времиња во кое профаното и световното се повеќе се оддалечуваат од духовноста, оваплотена во исконските канони на сиот регистар на сакралните вредности истакна во своето обраќање Виолета Калиќ, стручен соработник за визуелни уметности, дизајн и архитектура во Ј.У.Домот на култура „Кочо Рацин“ Скопје.

Проектот е подржан од Град Скопје 

Вести и настани