• Facebook
• Twitter
• YouTube
• RSS

MK AL EN

Мултикултурен проект„Патуваме преку сказни“

25.11.2014г.(вторник), објект Дом на градежниците

Мултикултурен проект „Патуваме преку сказни“

Проектот има мултикултурна димензија. Го организираме вторпат и е под покровителство на Град Скопје. Проектот вклучува претставување на писатели за деца : Горјан Петревски, Ксенија Трајчева, Пунторије Муча Зиба и Љатиф Демир. Ќе се претстават пред ученици исто така со мешан етнички состав. Ќе зборуваат за своите книги , посветени за деца, за креативниот процес при нивното создавање, едноставно ќе ги воведат во светот на приказните. Овој настан ќе започне во 11:30ч.
Целта на проектот е да потсети дека литературата во однос на децата има исклучително значење и голема одговорност. Преку книгата треба да се создаваат услови за правилен развој на секое дете без разлика на нација, религија и раса. Исто така сакаме да упатиме и порака дека јазикот не мора да биде пречка за комуникација и добро другарување.
Истиот ден во 13:00 часот за учениците од повеќе основни училишта ќе се организира изложба на илустрации на книги и списанија за деца, изработени од неколку илустратори : Натали Николовска, Саваш Велиу, Димитар Божиков и Боркица Арсовска. Покрај тоа што ќе се претстават со своите илустрации ќе зборуваат на темата „Улогата на илустрацијата во книгите и списанијата за деца“.
 

Вести и настани