• Facebook
• Twitter
• YouTube
• RSS

MK AL EN

Едукативно-интерактивно предавање насловено: „Нови Патишта до вистината за Рацин“

На 08 октомври 2021 година, во просторот на Домот на културата „Кочо Рацин“- Скопје, се одржа едукативно-интерактивно предавање насловено: „Нови Патишта до вистината за Рацин“
Едукатор на ова предавање беше проф.д-р Васил Тоциновски македонски писател, есеист, критичар, книжевен историчар и преведувач 

На предавањето учество земаа учениците од Приватното средно училиште „Алгоритам“. Присуствуваа 80 ученици кои беа поделени на 4 групи. За да се запазат препораките на Владата на РС Македонија поради пандемијата предизвикана од корона вирусот и заинтересираноста на учениците за оваа тема се одржаа четири предавања.
Проектот е осмислен како целина во која се потврдува егзистенцијалното правило оти во животот нема случајности.
Предавањето беше составено од две тематски целини. Првиот дел е насловен „Вљубениот Рацин“ и ги проследи врските што поетот покрај неостварената љубов со Рахилка Фирфова, ги имал како голем исчекор со Руменка Хаџипанзова, Малина Попиванова и Невенка Вујиќ. Учениците се запознаа со харизматичната личност на Рацин што се потврдува и во неговите љубовни врски кои прераснувале во копнеж да се создаде свој дом и семејство како човечко и цивилизациско достоинство.
„Погибјата на Рацин“ е вториот дел од предавањето. Со новите истражени архивски документи, расположивата документација и новите пишувања за него укажуваат дека неговото убиство било строго доверливо и подолго време планирано. 

Вести и настани